Komentatori politik Arton Demhasaj ka akuzuar Lëvizjen Vetëvendosje se ka shkelur Kushtetutën, duke pretenduar se, pavarësisht se i ka pasur votat, nuk e ka respektuar vendimin e Gjykatës Kushtetuese për konstituimin e Kuvendit brenda afatit prej 30 ditësh.

Duke komentuar zhvillimet e fundit politike, Demhasaj tha se Kushtetuta po trajtohet pa respektin e duhur.

“Kushtetutën e Republikës së Kosovës e kemi ba si tepih, kush do shkon e hi shkel në to kur t’i teket”, tha Demhasaj.

Ndërkohë, deklaratës së tij i është kundërpërgjigjur Krenar Shala, i cili tha se, sipas tij, Kushtetuta e Kosovës po respektohet në tërësi.

“Prej A deri në Zh respektohet Kushtetuta e Kosovës”, tha Shala.