Ambasadori i Bashkimit Evropian në Kosovë, Dirk Schuebel, ka vlerësuar progresin e Kosovës në disa fusha, gjatë prezantimit të Raportit për Vendin 2026 të Komisionit Evropian.

Schuebel, në konferencën për media pas dorëzimit të raportit për Kosovën nënvizoi se respektimi i mandatit të Gjykatës Speciale duhet të shoqërohet me respektimin e plotë të pavarësisë së gjyqësorit dhe parimeve të sundimit të ligjit.

“Mandati aktual në fuqi i Dhomave të Specializuara të Kosovës duhet të respektohet, në përputhje me detyrimet ndërkombëtare dhe me respektimin e plotë të pavarësisë së gjyqësorit dhe sundimit të ligjit”, tha ai.

Ai ka përmendur luftën kundër krimit të organizuar, reformën e administratës publike, statistikat, lëvizjen e lirë të kapitalit dhe miratimin e ligjit kundër shpëlarjes së parave.

Megjithatë, Schuebel ka theksuar se lufta kundër korrupsionit mbetet një çështje që kërkon më shumë angazhim.

“Raporti tregon progresin e Kosovës në disa fusha.Megjithatë, lufta kundër korrupsionit mbetet një çështje që duhet të adresohet dhe për të cilën duhet të punohet më tutje”, ka deklaruar Schuebel.