Kontaktoni

info@gazeta10.com

Lajme

Bullgaria zbulon një operacion pesëvjeçar të spiunazhit kibernetik

Gazeta10
18 November 2026 - 20:06

Bullgaria ka zbuluar një operacion të madh të spiunazhit kibernetik, i cili kishte zgjatur për pesë vjet dhe gjatë të cilit hakerët kanë arritur të sigurojnë dhjetëra miliona faqe dokumentesh nga bazat e të dhënave të institucioneve shtetërore.

Lajmi u bë i ditur të mërkurën nga Ministria e Inovacionit dhe Transformimit Digjital e Bullgarisë, transmeton klankosova.tv

Ministri Ivan Vassilev deklaroi se, që nga viti 2021, nga sistemet shtetërore janë shkarkuar më shumë se 130 gigabajt të dhëna, që përfaqësojnë rreth 62 milionë faqe dokumentesh.

Megjithatë, sipas tij, deri më tani nuk ka prova se të dhënat personale të qytetarëve bullgarë janë komprometuar.

Sipas autoriteteve, pas këtij operacioni dyshohet se qëndrojnë disa grupe ndërkombëtare hakerësh. Megjithatë, ende nuk ka prova përfundimtare që i lidhin sulmuesit me një qeveri apo shërbim të caktuar të inteligjencës së huaj.

Sipas Reuters, informacionet e vjedhura përfshijnë pothuajse të gjitha fushat e veprimtarisë qeveritare, duke përfshirë dokumente të kabinetit qeveritar, raporte dhe korrespondencë ndërmjet ministrive dhe institucioneve shtetërore.

Si u zbulua operacioni?

Ndërhyrja u identifikua pasi Bullgaria vendosi në funksion një sistem të ri kombëtar për monitorimin e sigurisë kibernetike, i cili në muajin gusht zbuloi aktivitete të dyshimta.

Më të lexuarat
Nga Rubrika

Gazeta10, © 2026 Të gjitha të drejtat e rezervuara.