
Albulena Mujaj-Bajraktaraj, drejtoreshë e Mirëqenies Sociale në Komunën e Pejës, ka deklaruar se Arlinda Zekaj nuk kishte kërkuar strehim apo përkrahje financiare, pasi kishte pasur mundësi banimi në shtëpinë e vëllezërve të saj.
“ Brenga e saj kryesore ka qenë fëmija. Nuk ka kërkuar strehim, pasi ka pasur banim në shtëpinë e vëllezërve të saj. Nuk ka kërkuar përkrahje financiare. Arlinda ka qenë e punësuar me standard të mirë të jetesës”, ka deklaruar Albulena Mujaj-Bajraktaraj.
Ajo është dëshmitarja e parë që po intervistohet nga Komisioni Hetimor Parlamentar lidhur me vrasjen e Arlinda Zekajt dhe trajtimin institucional të rasteve të dhunës ndaj grave dhe fëmijëve.