Argjentina të dielën arriti të fitoi Kampionatin Botëror “Katari 2022”.

Në këtë rrugëtim të Argjentinës njëri nga lojtarët kyç ishte edhe mesfushori I Brightonit, Alexis Mac Allister.

Falë paraqitjeve të mira, Mac Allister ka zgjuar interesimin e shumë skuadrave të njohura evropiane për transferimin e tij.

Drejtori i Brightonit, Paul Barber ka thënë se mesfushori 23-vjeçar i Argjentinës, Alexis Mac Allister, ka tërhequr vëmendjen e disa klubeve pas paraqitjeve në Kupën e Botës.

Mac Allister fitoi Kupën e Botës me Argjentinën, pasi mposhti në penallti Francën. Por, te Brightoni kanë theksuar se janë në negociata për vazhdimin e kontratës me Mac Allisterin.

“Alexis ka pasur paraqitje të gjitha gjatë gjithë sezonit. Ai po rritet në Premier League. Ne ishim të sigurt në aftësitë dhe karakterin e tij. Ka pasur interesim edhe para Kupës së Botës, por tashmë janë rritur edhe më shumë. Megjithatë, ne po punojmë për një kontratë të re. Me babin e tij jemi takuar disa herë. Shpresojmë që ai të vazhdoj të luaj me ne edhe për një kohë”, ka thënë Barber.

23-vjeçari me klubin anglez ka kontratë deri në qershor të vitit 2025.

Në Sezonin aktual në Premier League ka shënuar pesë gola në 14 paraqitje.