Katër burra nga Kosova dhe një grua nga Shqipëria janë arrestuar të dielën në Gjakovë, për shkak se dyshohen se në qershor të vitit të kaluar kishin bërë trafikim me njerëz, raporton Gazeta10.

“Më 08.01.2023 pas hetimeve intensive janë arrestuar një femër Shqiptare shtetase e Shqipërisë dhe katër meshkuj kosovarë si dhe është identifikuar një femër Shqiptare shtetase e Shqipërisë si viktimë e trafikimit e cila është trajtuar sipas procedurave dhe standardeve për viktima të trafikuara.”, thuhet në raportin e policisë.

Policia bënë të ditur se e dyshuara femër me vendim të prokurorit është dërguar në mbajtje ndërsa të dyshuarit meshkuj pas intervistimit janë liruar në procedurë të rregullt./Gazeta10