Ministri i Kulturës, Rinisë dhe Sportit, Hajrullah Çeku, ka mirëpritur vendimin  e FIFA-së për dënimin e Serbisë pas ofendimeve ndaj Granit Xhakës dhe Xherdan Shaqirit, dy shqiptarëve që luajnë për kombëtaren e Zvicrës, raporton Gazeta10.

Ai ka thënë se kjo ankesë njejtë si ankesa në dënimin e parë ndaj Serbisë është bërë nga Federata e Futbollit të Kosovës.

Më tej, ai ka thënë se shovenizmi serb nuk kalon.

“Urime”, ka shkruar në fund Çeku.

Këtu keni postimin e plotë:

“Dënimi i dytë për Serbinë nga FIFA. Shovinizmi serb nuk kalon.

Dënimi i parë para pak javësh për banerin skandaloz me thirrje për gjenocid. Dhe sot, dënimi i dytë për fyerjet e ekipit dhe tifozëve ndaj shqiptarëve. Të dy ankesat zyrtarisht të nisura nga Federata e Futbollit e Kosovës, me mbështetje të gjerë publike e institucionale.

Urime! ”, ka shkruar Çeku në llogarinë e tij në Facebook. / Gazeta10