Policia e Kosovës ka njoftuar se dy burra kanë raportuar në Polici se në brendi të pyllit kanë hasur në disa eshtra njeriu. Rasti ka ndodhur në rrugën “Qëndresa” në Prishtinë, raporton Gazeta10.

Policia ka bërë me dije se rasti është duke u hetuar.

“GJETJE E MBETJEVE MORTORE-Rr. Qëndresa, Prishtinë 27.01.2023 – NN. Dy dëshmitar meshkuj  kosovarë kanë informuar se në brendi të pyllit kishin hasur në disa eshtra të njeriut. Njësia përkatëse ka bërë tërheqjen e mbetjeve mortore dhe ka dërguar në IML për procedurë të mëtutjeshëm. Rasti është duke u hetuar”, thuhet në raportin 24-orësh të PK-së./Gazeta10