Kalidou Koulibaly mund të rikthehet në Serie A, vetëm pas një sezoni të kaluar te Chelsea.

Sipas mediave italiane, Interi është duke e monitoruar situatën e mbrojtësit senegalez dhe duan transferimin e tij në verë.

“Nerazzurët” e shohin Koulibalyn si zëvendësues perfekt të Milan Skriniar, i cili do të largohet në verë nga Interi si transfer i lirë.

31-vjeçari ka kontratë me “Blutë e Londrës” deri në vitin 2026 dhe vlera e tij në treg është rreth 35 milionë euro.

Këtë edicion me Chelsea, ai ka zhvilluar 23 paraqitje në të gjitha kompeticionet.