Kryetari i LDK-së, Lumir Abdixhiku ka kritikuar ekzekutivin e vendit për siç thotë ai që po vazhdon me kokëfortësi vetëm të vëzhgojë situatën me krizën energjetike në vend, shkruan Gazeta10.

Abdixhiku madje ka ironizuar edhe me shefin e Qeverisë, duke thënë se “rryma nuk ruhet në frigorifer, por blehet sot për nesër gjithandej Evropës”.

“Po futemi drejt theqafjes”, ka shkruar tutje kreu i LDK-së duke akuzuar Qeverinë se as pas dy vjetëve pushtet s’ka plan e as ide për kapërcimin e dimrit me energji elektrike .

“Asnjë nga këto masa nuk diskutohet në Kosovë sot. Po futemi drejt theqafjes, me një Qeveri që s’ka plan e as ide si të na kapërcejë përtej dimrit më të vështirë ndonjëherë. Ndonëse do t’i bëjë dy vjet pa lënë asnjë shenjë, e edhe me një dimër të vështirë, ata do të shërbehen me arsyetimet e zakonshme tashmë për 20 vjet”, ka shkruar Abdixhiku.

Postimi i plotë: