Një çantë e dyshimtë është gjetur sot, në Rrugën B, në Prishtinë.

Policia menjëherë ka dalë në vendin e ngjarjes, ku fatmirësisht brenda saj nuk është gjetur asgjë.

Ngjarjen për Gazeta10 e ka konfirmuar zëdhënësja e policisë për rajonin e Prishtinës, Flora Ahmeti.

Ku ka thënë se bazuar në të dhënat nga tereni nuk bëhet fjalë për një mjet shpërthyes.

“Rreth orës 14:00 është pranuar informata për një mjet të dyshimtë (çantë)në rrugën “Jakov Xoxa” në Prishtinë. Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën. Bazuar në të dhënat nga terreni pas intervenimit të njësive kompetente është konstatuar se nuk  bëhet fjalë për mjet shpërthyes”, tha Ahemti për Gazeta10.