Ambasadori serb në Itali, Goran Aleksic, ka folur rreth deklaratave të kryeministrit të Kosovës, Albin Kurti lidhur me mundësinë  e një lufteje të re mes Kosovës dhe Serbisë, raporton Gazeta10.

Ai ka akuzuar Kurtin se po i rrit tensionet në rajon përmes toneve të tij sfiduese dhe radikale.

“Toni i përhershëm sfiduese dhe radikal i z.Kurtit që synon sulmet kundër Beogradit duke u bazuar vetëm në ekzistimin e marrëdhënieve të Serbisë me Federatën Ruse, vetëm se ka rritur edhe më tej tensionin politik dhe të sigurisë në rajonin tonë”, ka thënë ambsadori në fjalë.

Tutje, Aleksic ka thënë se Kurti duhet të merret me problem reale dhe jo me thirrje për luftë, teksa ka kërkuar respektimin e të drejtave themelore.

“Në vend që të merremi me supozime të rreme dhe të thirremi në luftë, ftojmë z.Kurtin të merret me problemet reale lidhur me sundimin e ligjit dhe të drejtat themelore. Është jetike që Prishtina të ndalojë menjherë dhunën sistematike, strukturore dhe fizike kundër serbëve në KeM”, ka thënë tutje ai.

Këto deklarata janë bërë në kuadër të intervistave të Kurtit për media ndërkombëtare ku ka folur për rrezik të një konflikti të ri mes Kosovës dhe Serbisë. / Gazeta10