Futbollisti i Trepçës ’89, Ardian Muja është shpallur “Ylli i Javës” për xhiron e 26-të në Albi Mall Superligën e Kosovës.
Muja kishte pasur një paraqitje mjaft të mirë kundër Dukagjinit, ku me golin dhe performancën e tij Trepça ’89 arriti të arkëtojë pikët e plota në këtë takim.
Pasi mori çmimin e më të mirit të javës, Muja deklaroi se ndjehet shumë mirë dhe tutje ai tha se shpreson që Trepça ’89 të arrijë objektivin kryesor e që është mbetja në Superligë edhe për edicionin e ardhshëm..
“Personalisht është ndjenjë e mirë jam shpallur ‘Ylli i Javës’, mirëpo e rëndësishme është fitorja që e arritëm kundër Dukagjinit. Këto tri pikë janë shumë të mirëseardhura për ne për vazhdimësinë e kampionatit, duke e ditur pozitën në të cilën ndodhemi aktualisht në tabelë.Shpresoj që kjo fitore të jetë pikë kthese për KF Trepça ’89 FC dhe të vazhdojmë me rezultate pozitive, në mënyrë që në fund të arrijmë objektivin tonë që është mbetja në Superligë”, tha Muja.
Trepça ’89 gjendet në pozitën e tetë në tabelë, me 29 pikë të grumbulluara duke lënë pas vete vetëm skuadra si Ferizaj e Drenica.