Lajme

Arrestohet shqiptari pasi vrau kolegun në SHBA

Gazeta10
14 Gusht 2022 - 22:03

Arrestohet shqiptari që vrau kolegun në vendin e punës. Astrit Bushi, një 48-vjeç është vënë në pranga dhe akuzohet për vrasjen e kolegut të tij.

Ngjarja e rëndë mësohet se ka ndodhur në një fabrikë të General Motors në Oakland të SHBA-së, mbrëmjen e 11 gushtit, shkruan ABC News, transmeton Gazeta10.

Astrit Gjon Bushi sulmoi dhe vrau kolegun e tij Gregory Robertson i cili punonte si pastrues në fabrikën e GM.

Shqiptari u arrestua nga policia vetëm pak metra larg vendngjarjes. Viktima u gjet i mbuluar në gjak, i shtrirë në korridorin e magazinës ku punonte.

Sherifi i Qarkut Oakland Michael Bouchard tha në një njoftim për shtyp se Robertson kishte punuar në fabrikë për rreth shtatë muaj. Shqiptari nuk ka rrëfyer ende motivet që e kanë shtyrë të bëjë krimin e rëndë. /Gazeta10

Më të lexuarat
Nga Rubrika

Gazeta10, © 2025 Të gjitha të drejtat e rezervuara.