Në prag të festës së Vitit të Ri, Kanal 10 sjell edicionin festiv të emisionit “Politiko,” i cili këtë vit mban moton: “Babadimri i Politikos”.

Në një atmosferë plot ngrohtësi dhe harmoni, politikanë, personalitete të njohura dhe të ftuar specialë bashkohen për të reflektuar mbi vitin që po përfundon dhe për të ndarë momente festive.

Ky edicion i veçantë synon të sjellë një frymë bashkimi dhe gëzimi, duke e larguar për një moment vëmendjen nga tensionet e përditshme dhe duke theksuar rëndësinë e dialogut dhe mirëkuptimit mes palëve të ndryshme.

Me diskutime interesante, muzikë festive dhe surpriza të shumta, “Babadimri i Politikos” premton të jetë një festë e vërtetë televizive.

Mos e humbisni këtë mbrëmje unike! Të gjithë së bashku, vetëm në Kanal 10 nga ora 20:20! /Gazeta10/