Profesori i çështjeve juridike, Mazllum Baraliu e ka quajtur të rrezikshëm themelimin e Asociacionit të komunave me shumicë serbe.

Baraliu në Info10 në Kanal10 teksa e ka folur për këtë marrëvshje, theksoi se baza e tij është një etnike dhe si e tillë bie ndesh me Kushteutën e Kosovës, shkruan Gazeta10.

“Baza e këtij Asociacioni është etnike, që bjen ndesh me dispozitat e para të Kushtetutës së Kosovës e cila e njeh shtetësinë si shtet multietnik e jo, një etnik. Është Asociacion i komunave me shumicë serbe, dmth që serbët veçohen aty dhe të tjerët janë thjesht periferik. Ky Asociacion paraqet një nivel tjetër të ri të pushtetit që nuk ekziston në Kushtetutë. Të gjitha komunat kanë një organizim atje, dhe posa të formohet njëherë, askush s’do të ketë të drejtë ta shfuqizojë, duke formuar një komunë të tretë”, tha Baraliu.

Profesori Baraliu ka përmendur edhe Planin e Ahtisarit për të cilin thotë se është projekt më i mirë për Asociacionin sesa modelet e prezantuara deri më tani për këtë marrëveshje.

“Këtë të gjithë e dinë, edhe këta qeveritarët tanë, bashkësia ndërkombëtare e dinë edhe Beogradi. Mirëpo, Beogradi po do të kërkoj të ketë prani të shtetit në shtet, dhe atë të trefishtë”, theksoi Baraliu në Info10./Gazeta10