Ish-presidenti amerikan Bill Clinton ka mbërritur në Tiranë për një vizitë dyditore. Clinton u prit në Rinas nga kryeministri Edi Rama dhe zv.ambasadori amerikan në Tiranë.

Në orën 19:00 pritet të nisë ceremonia në nder të ish-presidentit, ku veç përfaqësuesve të politikës janë ftuar të marrin pjesë edhe qytetarë të thjeshtë.

Qindra banorë të kryeqytetit janë mbledhur në sheshin para kryeministrisë në pritje të ceremonisë në nder të ish-presidentit, i cili viziton për herë të parë Tiranën.