Gjatë kësaj fundjave rikthehet Bundesliga, me xhiron e 25-të, ku pritet të zhvillohen disa ndeshje mjaft interesante.
Kampioni aktual, Bayern Munchen, do jetë mysafir i Bayern Leverkusen sfidë kjo e cila zhvillohet ditën e diel me fillim nga ora 17:30.
Bavarezët kërkojnë fitoren e 4-të rradhazi në Bundesligën gjermane, për të përforcuar tutje kreun e tabelës.
Ndërkohë skuadra e udhëhequr nga Xabi Alonso, me ndihmën e tifozëve kërkon që të befasojë Bayernin, dhe të vazhdoj me rezultate pozitive në kampionat.
Sfidë tjetër interesante këtë javë pritet të jetë ajo mes Dortmund dhe Koln.
Skuadra e udhëhequr nga Edin Terzic kërkon rikthimin tek fitoret pas barazimit me Schalken javën e kaluar. Dortmund llogaritet favorit në këtë takim me Koln e cila nuk din për fitore në 4 xhirot e fundit. Ndeshja nis me fillim nga ora 18:30.
Tjetër sfidë e paraparë të zhvillohet këtë javë, është ajo mes Bochum dhe Leipzig.
Mysafirët kërkojnë të lënë prapa krahëve humbjen e thellë ndaj Manchester Cityt në Ligën e Kampionëve me rezultat 7-0, dhe të vazhdojnë ecurinë pozitive në kampionat. Kjo sfidë luhet të dielën me fillim nga ora 15:30.