Pierre-Emerick Aubameyang është synimi kryesor i Chelseat për të përforcuar fazën ofanzive, shkruan Gazeta10.

Sipas raportimeve të fundit, Chelsea do të fillojë negociatat me agjentët e futbollistit gabonez gjatë kësaj jave.

Pronari i ekipit londinez, Todd Boehly, së pari dëshiron që të arrijë marrëveshje personale me futbollistin dhe pastaj t’i dërgojë Barcelonës ofertë zyrtare për të.

Chelsea have scheduled new round of talks with Pierre Aubameyang’s camp this week. Todd Boehly wants to understand conditions of the deal also on personal terms, then it will be time to submit bid to Barça. 🚨🔵 #CFC

Barça want around €30m. Xavi, still pushing to keep Auba. pic.twitter.com/R3KhxS8RID

— Fabrizio Romano (@FabrizioRomano) August 16, 2022

Barcelona për ta liruar Aubameyangun kërkon rreth 30 milionë euro.

Ndërkohë, trajneri i ekipit katalunas, Xavi Hernandez, po insiston që sulmuesi afrikan të vazhdojë të jetë pjesë e skuadrës së tij.

Poashtu, edhe Aubameyang nuk e dëshiron kalimin te ekipi londinez, por gjithçka mund të ndryshojë deri në fund të afatit kalimtar veror.

33-vjeçari iu bashkua Barcelonës në janar të këtij viti si transfer i lirë, pas një periudhe katërvjeçare të kaluar te Arsenali.

Sulmuesi nga Gaboni ka pasur një periudhë mjaft të mirë te Barcelona deri më tani, ku ka arritur të shënojë 13 gola dhe ka kontribuar me një asistim në 23 ndeshje në të gjitha kompeticionet.

Aubameyang ka kontratë me Barcelonën deri në vitin 2025 dhe vlera e tij në treg është rreth 15 milionë euro.

Përveç Aubameyangut, Chelsea është në bisedime edhe për transferimin e futbollistit tjetër të Barcelonës, Frenkie De Jong. /Gazeta10/