Chelsea i është bashkuar listës së klubeve që do të tentojnë transferimin e gjeorgjianit Khvicha Kvaratskhelia në verën e ardhshme.

22-vjeçari është një prej yjeve të skuadrës së Napolit, së cilës iu bashkua në vitin 2022. Ai ka kontratë deri në vitin 2027.

Kvaratskhelia ishte prej më të mirëve te Napoli në edicionin e kaluar, kur skuadra e fitoi kampionatin në Itali.

Në edicionin aktual ka tri gola të realizuar e pesë asistime në 15 paraqitje në të gjitha garat.