Deputeti i LDK-së, Arben Gashi ka treguar në emisionin “Politiko” cili është qëndrimi i LDK-së sa i përket marrëveshjes me Serbinë.

Ai ka thënë se nga LDK-ja kanë të njëjtin qëndrim për Asociacionin që nga viti 2019, raporton Gazeta10.

“Ne në vazhdimësi kemi pasur qëndrime duke filluar nga proceset e ndryshme lidhur me Asociacionin ne kemi qëndrim politik se Asociacioni duhet të formohet dhe se ai duhet të formohet sipas kritereve të vendosura nga Gjykata Kushtetuese, drafti i Asociacionit duhet të formohet nga Qeveria e Kosovës, ky është qëndrimi i LDK-së që nga viti 2019”, tha ai në Kanal10./Gazeta10