Anësori i Argjentinës, Angel Di Maria, është i gatshëm që të luajë nga fillimi në ndeshjen kundër Kroacisë – ka njoftuar trajneri Lionel Scaloni.

Ylli i Juventusit ka pasur probleme me lëndime gjatë këtij sezoni, edhe për klubin edhe për përfaqësuesen.

Ai kishte pësuar lëndim muskulor më 30 nëntor në fitoren ndaj Polonisë dhe mungoi në të tetën e finales kundër Australisë, katër ditë më pas.

Di Maria u rikthye në bankën rezervë të premten dhe pastaj u inkuadrua në lojë në sfidën kundër Holandës, të cilën Albicelestët e fituan pas penalltive.

Krahas tij, i gatshëm për të startuar është edhe bashkëkombësi i tij, Rodrigo De Paul, i njohur i si truproja e Lionel Messit.