Ylli i popit, Dua Lipa, ndodhet aktualisht në ishullin grek Sifnos me partnerin e saj francez, Romain Gavras, ku po shijojnë pushimet.

Këngëtarja e njohur ka postuar disa fotografi në llogarinë e saj personale në Instagram.

Në njërën prej tyre ajo është në ujërat blu të një plazhi dhe në një tjetër në një varkë duke pozuar me bikini të zeza për aparatin fotografik, ndërsa ka postuar edhe një foto ku po shijon jetën e natës në ishull. Ajo nuk ka munguar të publikojë edhe disa foto me partnerin e saj, me të cilin zyrtarizoi lidhjen gjatë një daljeje të përbashkët në tapetin e kuq të Festivalit të Kanës.

Këngëtarja në një foto mban dorën e të dashurit të saj teksa ecin nëpër rrugicat piktoreske të Sifnosit, ndërsa në një tjetër pozojnë para një shtëpie cikladike me muret karakteristike të bardha dhe derën blu.