Kanë mbetur edhe pak javë deri në mbajtjen e zgjedhjeve nacionale në Kosovë, ndërsa vendimi i fundit që mërgimtarët të votojnë vetëm brenda konsullatave zyrtare ka shkaktuar reagime të shumta nga diaspora dhe ekspertët e procesit zgjedhor.

Sipas analistes politike Pranvera Ejupi-Hajzreaj, këtë vit pritet një rënie e ndjeshme e numrit të votuesve nga jashtë vendit, në krahasim me zgjedhjet e kaluara.

“Ka me pas rënie drastike. Diaspora dëshiron të jetojë ashtu siç jetojnë në Gjermani, të sjellin atë frymë këtu. Por gjërat që kanë ndodhur në Kosovë krijojnë një shpërputhje të plotë,” u shpreh Ejupi-Hajzreaj.