Kompania Enos & Kaptan ka njoftuar një partneritet strategjik me GÜNSAYIL, një nga kompanitë më të mëdha në Turqi.

Sipas njoftimit, bashkëpunimi synon zgjerimin në tregjet e Ballkanit përmes projekteve të reja madhore, duke kombinuar përvojën, inovacionin dhe një vizion të përbashkët për zhvillim.

Nga kompanitë është bërë e ditur se ky partneritet shënon vetëm fillimin e një faze të re të zgjerimit dhe projekteve të përbashkëta në rajon.

“Enos & Kaptan është krenare të njoftojë një partneritet strategjik me GÜNSAYIL, një nga kompanitë më të mëdha të Turqisë. Së bashku, po zgjerohemi në të gjithë Ballkanin me projekte të reja madhore, duke bashkuar ekspertizën, inovacionin dhe një vizion të përbashkët për të ardhmen. Ky është vetëm fillimi”, thuhet në njoftimin e Trim Musliut, pronar i Enos&Kaptan.