Në emisionin “Mëngjesi me Arben Ahmetin” në një lidhje dirkte, gazetarja Saranda Alshiqi ka treguar se edhe sot vazhdojnë kërkimet për 4 vjeçarin i cili dyshohet se ka ra në kanalin e Ibër-Lepencit. Banorët kanë treguar se për rënjën e këtij fëmijë ku disa fëmijë të kësaj lagje kanë treguar se ai ka rënë në kanalin e Ibër-Lepencit.

Gjithashtu është raportuar se familjarët e 4 vjecarit që nga momenti i ngjarjes ata janë në ankth për lajmet te reja. Lajmin për këtë 4 vjeçarin e ka bërë të ditur dje Liridon Ahmeti kryetar i klubit të zhytjes “Trepça”, i cili tha se për rreth katër orë kërkime nuk kanë arritur ta gjejnë 4-vjeçarin.

Ahmeti tha se për lajmin ishin njoftuar nga policia e rajonit të Vushtrrisë. Dyshimet e para se fëmija 4-vjeç ka rënë në kanalin e Ibër Lepencit, ishin bërë nga një fëmijë tjetër më i rritur që sipas Ahmetit kishte qenë afër tij në momentin që ka rënë në tunel, shkruna Gazeta10.

“Në orën 19;00 kemi marrë një thirrje nga policia në regjionin e Vushtrrisë, ku kanë kërkuar që ne të shkojmë në vendin e ngjarjes, ku dyshohet të ketë rënë një fëmijë 4-vjecar. Jemi fut thellë 100 metra në tunel dhe kemi vlerësuar situatën duke kërkuar disa metra që është e hapur.

Deri në pikën ku janë kryer kërkimet nuk kemi gjetur asgjë. Me aty për sonte e kemi përfunduar. Nesër e vazhdojmë.”, tregoi Ahmeti në Prime Time.