Një furgon goditi tarracën e një kafeneje në qendër të Brukselit të premten, duke lënë gjashtë persona që kishin nevojë për trajtim për lëndime të lehta dhe tronditje ndërsa hetuesit po përpiqen ta përcaktojnë nëse ishte një sulm apo një aksident, raporton Reuters, transmeton Gazeta10.

Shoferi është larguar me mjet pas ngjarjes pak para orës 13:00. me orën lokale (1100 GMT) dhe u arrestua në qytetin verior të Antëerpen më vonë pasdite, thanë prokurorët e Brukselit në një konferencë shtypi. Furgoni i tij më parë ishte gjetur i braktisur në një lagje aty pranë të Brukselit.

“Faktet sigurisht që ju bëjnë të mendoni për sulme siç kanë ndodhur në të kaluarën, por kjo nuk është e vetmja mundësi që ne po shqyrtojmë. Është gjithashtu e mundur që të jetë thjesht një aksident,” tha një zëdhënës i prokurorisë së Brukselit.

Asnjë nga të plagosurit nuk kishte nevojë të dërgohej në spital.

Një dëshmitar tha për mediat belge se furgoni hyri në Rue Saint-Michel, që të çon në një zonë të ngjeshur tregtare, me goma që kërcitnin dhe u largua me shpejtësi të madhe. / Gazeta10