Ish-deputeti i Kuvendit të Kosovës, Gani Geci ka pritur në konakin e tij reperin nga Shqipëria Stresi, i cili dy ditë më parë u shpall edhe fitues i Big Brother Vip Kosova 1.

“Në këtë mbrëmje për ta vizituar Gani Gecin në kullën tonë në Drenicë erdhi fituesi i Big Brother VIP Kosova, Arkimed Lushaj -Stresi.”, thuhet mes tjerash në postim.

Aty thuhet po ashtu se Geci i dënuar me tre vjet e gjysmë  burgim është liruar nga organet e drejtësisë që të ketë “pushim të rregullt në shtëpi”.

Postimi i plotë:

Të dashur miq,

Sot babai im Gani Geci është në pushim të rregullt nga burgu në shtëpi  dhe me këtë datë kishte ditëlindjen axhi ynë Fadil Geci të cilit i urojmë  edhe 100 vite të lumtura.

Në këtë mbrëmje për ta vizituar Gani Gecin në kullën tonë në Drenicë erdhi fituesi i Big Brother VIP Kosova, Arkimed Lushaj -Stresi.

Faleminderit për vizitën!.