Në kuadër të shënimit të Epopesë së UÇK-së edhe gratë dhe vajzat veterane të UÇK-së janë mbledhur në një takim për të nderuar rezistencën dhe qëndresën heroike të komandantit Legjendar Adem Jashari dhe familjes Jashari në Prekaz.

Takimin me veteranet e luftës së UÇK e ka përshëndetur Fatmir Limaj, ish-komandant i cili me këtë rast ka thënë se sot e 25 vjet me parë në Prekaz, Komandanti Legjendar ndryshoi rrjedhën e historisë kombëtare.

“Atje ndodhi ri-ngritja Kombëtare Shqiptare”, tha ai.