Gjatë intervistës së tij në emisionin “Politiko”, me Kushtrim Sadiku, në Kanal10, lideri i AAK-së, Ramush Haradinaj, i pyetur nga gazetari Sadiku se a do të ishte më e frytshme që opozita të bënte një lloj fronti të përbashkët karshi Kurtit, ai tha që Lumir Abdixhiku është në marrëveshje me Kurtin.

“LDK-ja ia ka mundësu Kurtit me i marrë tri pushtetet duke e votuar presidenten”, ka thënë Haradinaj.

Ai tutje tha që LDK në çdo situatë që opozita ka pasur mundësi me e rreziku qeverinë, nuk e ka përkrahur opozitën.

Haradinaj për PDK-në ka thënë se i kupton se e kanë më të vështirë vendimmarrjen për shkak të liderëve që i ka në Hagë. /Gazeta10/