Kryetari i Aleancës për Ardhmërinë e Kosovës, Ramush Haradinaj, ka thënë se Kosova kurrë nuk është kthyer prapa në aksionet në veri, raporton Gazeta10.

Haradinaj ka thënë se Kosovën e ka futur në qorrsokak kryeministri i cili mund ta nxjerrë atë nëse kryen punët e brendshme si dhe i rrit pagat e policëve.

Tutje, i pari i AAK-së, Haradinaj, ka thënë se nuk ka vend për krenari për koordinim me ndërkombëtarët pas zmbrapsjes nga aksioni.

Këto komente Haradinaj i bëri gjatë seancës që po zhvillohet aktualisht në Kuvendin e Kosovës.

“Kosovën e keni futur në qorrsokak, nga i cili mund ta nxjerrë Kryeministri, nëse i kryen punët e shtëpisë, nëse rrit pagat e policëve, të cilët i dërgon në veri. Kosova kurrë nuk është kthy prapa në aksionet në veri, e me këtë kryeministër po kthehet qe dy herë. Pas zmbrapsjes nuk duhet të krenohemi se jemi koordinuar me aleatët”, ka thënë Haradinaj. / Gazeta10