Kryetari i Aleancës për Ardhmërinë e Kosovës, Ramush Haradinaj, ka zhvilluar një takim me Presidentin e Shqipërisë, Bajram Begaj, ku kanë diskutuar për situatën politike në rajon,  raporton Gazeta10.

Haradinaj ka thënë se me Begajn kanë zhvilluar një bisedë të hapur dhe vëllazërore për temat e interesit të përbashkët të të dyja vendeve.

Ish-Kryeministri i Kosovës, Haradinaj, ka thënë se ka shprehur gadishmërinë për e tij për bashkëpunim të ngushtë.

Tutje, i pari i AAK-së, Haradinaj ka thënë se bashkëpunimi mes Kosovës dhe Shqipërisë me aleatët e huaj, sidomos me Shtetet e Bashkuara të Amerikës është më jetik se asnjëherë.

Këtu keni postimin e plotë:

“Me Presidentin e Republikës së Shqipërisë, Bajram Begaj, zhvilluam sot një bisedë të hapur dhe vëllezërore për situatën politike në rajon dhe temat me interes të përbashkët për qytetarët e të dy vendeve.

Shpreha gatishmërinë time për një bashkëpunim të ngushtë në shërbim të interesit të përbashkët kombëtar.

Bashkëpunimi bilateral mes dy vendeve dhe sinqeriteti në bashkëpunim me aleatët tonë të sigurisë të prirë nga Shtetet e Bashkuara të Amerikës është më jetik se asnjëherë më pare”, ka shkruar Haradinaj në llogarinë e tij në Facebook. / Gazeta10