Marrëveshja për parime e ish-kryetarit të LDK-së, Isa Mustafa ishte pjesë e asaj të nënshkruar më 2015 në Bruksel.
Vetëvendosje, aso kohe parti parlamentare në opozitë e kishte kundërshtuar përmes protestave të shumta, gjë që bëri që ish-presidentja, Atifete Jahjaga ta dërgoi atë në Gjykatën Kushtetuese për ta interpretuar përputhshmërinë e parimeve të themelimit të Asociacionit.
Ajo ishte bërë për blerje kohe në mënyrë që të ndaleshin protestat e dhunshme.
Kësisoj e shpjegoi nënkryetari i LDK-së, Lutfi Haziri në Politiko periudhën e bllokimit të institucioneve atëherë nga partia në opozitë, Vetëvendosje për shkak të nënshkrimit të asaj marrëveshje.
“Marrëveshja e kryetarit të LDK-së, e cila është pjesë e marrëveshjes së vitit 2015 dhe quhet për parime, e jo Asociacion. Gjykata Kushtetuese është pjesë e asaj marrëveshje. Dhe kjo u bë për blerje kohe për t’i ndalur protestat e dhunshme, presidentja Jahjaga e ka deleguar një dokument që s’ka qenë subjekt i Gjykatës Kushtetuese. Dhe, Gjykata Kushtetuese e ka bërë krerjen, terminologjinë e saj. Ka qenë e adaptuar dhe thotë mund të zbatohet.”, deklaroi Haziri. /Gazeta10