Marrëveshja SHBA – Iran ka marrë shumë kritikë, përfshirë edhe zërat e ashpër në të dyja palët. Por ndërsa Irani dhe SHBA-ja përgatiten për negociatat që i presin, disa nga kritikat më të forta vijnë nga një njeri që ka qenë i përfshirë më parë në këtë proces: ish-Sekretari amerikan i Shtetit, Antony Blinken.

“E vetmja ‘arritje’ e armëpushimit” shkroi ai në X, “është rihapja e mundshme e Ngushticës së Hormuzit – e cila ishte e hapur para se të fillonte lufta. Dhe me sa duket ne do ta paguajmë Iranin për këtë”.

Kjo është një kritikë e ashpër. Irani mund të përfitojë miliarda dollarë përmes lehtësimeve për shitjen e naftës dhe zhbllokimit të aseteve të ngrira, pa bërë ende ndonjë lëshim real lidhur me programin e tij bërthamor, që është çështja më e rëndësishme, shkruan BBC.

Megjithatë, zyrtarët amerikanë që informuan gazetarët në Washington dje këmbëngulën se lehtësimi financiar do të varet nga sjellja e Iranit gjatë negociatave.

“Nëse ata sillen mirë – për shembull, nëse na dorëzojnë materialin bërthamor ndërsa jemi të angazhuar në këto negociata përfundimtare – atëherë ne do të lirojmë disa nga asetet e ngrira si përgjigje ndaj kësaj”, tha një zyrtar i administratës.

Pritet që negociatat të jenë të vështira dhe të mbushura me mosmarrëveshje. Dhe të zgjasin dukshëm më shumë se 60 ditë.