Kabineti i Ministres së Punëve të Jashtme dhe Diasporës, ka shpenzuar 10 mijë euro për të blerë mobilie. 

Në raportin gjashtëmujor të thesarit të Kosovës, raportohet se kabineti i kësaj ministrie ka shpenzuar 35 mijë euro për kompjuterë, dhe 150 mijë të tjera për pajisje teknologjike. 

Më tej raportohet se 15 mijë euro i ka investuar në softuer, si dhe 1,625,500 euro në sistemin e sigurisë së komunikimit me misionet diplomatike, raporton KP. 

Ndërkohë, për blerjen e ambasadave, MPJ ka shpenzuar 8,927,721 euro. Kurse, për automjetet e ambasadave janë shpenzuar 221,779 euro./Gazeta10