Ushtria e Kinës ka njoftuar për stërvitje të reja pranë Tajvanit, duke përfshirë sulmet kundër nëndetëseve dhe operacionet e bastisjes detare, shkruan The Guardian, transmeton Gazeta10.

Ministria e Mbrojtjes arsyetoi gjithashtu ndaljen e bisedimeve ushtarake me SHBA-në në shenjë proteste kundër vizitës së Nancy Pelosit në Taipei javën e kaluar, e cila ka ngritur shqetësime për aksidentet e mundshme që mund të përshkallëzohen në konflikt.

Javën e kaluar, Ushtria Çlirimtare Popullore (PLA) shënjestroi Tajvanin me ditë të tëra të stërvitjeve të mëdha me zjarr të drejtpërdrejtë, të cilat ishin planifikuar të përfundonin të dielën.

Zëdhënësi i ministrisë së mbrojtjes së Kinës, Wu Qian, mbrojti vendimin për pezullimin e kanaleve ushtarake, duke thënë në një postim në internet të hënën: “Situata aktuale e tensionuar në ngushticën e Tajvanit është provokuar dhe krijuar tërësisht nga pala amerikane me iniciativën e saj, dhe pala amerikane duhet të mbajnë përgjegjësi të plotë dhe pasojat serioze”.

Zyrtarët e Pentagonit, Departamentit të Shtetit dhe Shtëpisë së Bardhë i dënuan masat, duke e përshkruar atë si një reagim të papërgjegjshëm. / Gazeta10