Gjykata Speciale ka aprovuar kërkesën e ish-luftëtarit të UÇK-së, Hysni Gucatit për lirim me kusht nga burgu në Hagë, raporton Gazeta10.

Lajmin e ka konfirmuar kryetari i degës së OVL-UÇK-së, Emin Lati, i cili ka deklaruar se në javën e ardhshme pritet të bëhet publik vendimi për lirimin me kusht të Gucatit.

Mirëpo një gjë të tillë nuk e kanë konfirmuar edhe nga Gjykata Speciale.

Dhomat e Specializuara në Hagë kanë thënë se për një vendim të tillë do të informoheni me kohë.

“Nëse dhe kur nxirret një vendim publik për këtë çështje, ai do të jetë i qasshëm në faqen e internetit të KSC-së”, thuhet në përgjigje.