Kjo fundjavë na sjellë xhiron e 20-të të këtij edicioni, ku do të zhvillohen disa ndeshje interesante, me fokus kryesor në Leipzig, ku ekipi nga ky qytet pret vendin e dytë ne tabelë, Union Berlinin të shtunën e 11 shkurtit.
Ndeshja hapëse e kësaj jave luhet të premtën me fillim nga ora 20:30, ku Schalke 04 do të ketë përballë Wolfsburgun.
Kryesuesit e tabelës, Bayern Munich përballë do të kenë ekipin që po lufton për mbijetesë, Bochumin, me ndeshjen që zhvillohet të shtunën nga ora 15:30.
Klubi tjetër që po lufton për titull, Borussia Dortmund do të luajë si mysafir i Werder Bremen, po ditën e shtunën në të njejtin orar, nga ora 15:30.
Ndeshjet tjera që luhen përgjatë kësaj xhiro janë: Hoffenheim – Bayer Leverkusen, Mainz – Augsburg, Freiburg – Stuttgart, Hetha Berlin – Borussia Monchengladbach dhe Koln – Frankfurt.