Gazeta10

Kurti: Serbia e ngjashme me Rusinë, nuk e pranon Kosovën as de facto as de jure

Kryeministri i Kosovës, Albin Kurti, në një intervistë për CNN, me gazetaren Christiane Amanpour, ka thënë se Serbia është e ngjashme me Rusinë, dhe se në asnjë variant nuk pranon shtetësinë e Kosovës.

“Serbia është shumë e ngjashme me Rusinë, nuk e pranojnë as de facto as de jure fqinjin e saj”, tha Kurti.

Kryeministri i Kosovës ka folur edhe për ndërhyrjen e NATO-s në Kosovë dhe fuqinë e saj, tash dhe atë kohë.
“Kushdo që është ende gjallë dhe ishte në Kosovë më 10, 11, dhe 12 qershor të vitit 1999 e di se ato ditë janë ditët më të lumtura të jetës së tyre. Çlirimi u mundësua nga qëndrueshmëria dhe lufta e njerëzve dhe nga ndërhyrja e NATO-s”, tha Kurti në CNN, transmeton Reporteri.net.

Në video-lidhje ishte edhe gjenerali i pensionuar amerikan, Wesley Clark.

Clark ka thënë se “Serbia është dorë e Rusisë në Ballkan dhe i shërben interesave ruse”.

Kurti, mes tjerash, tha se ndërhyrja ishte vendimtare për këto 25 vite që kanë qenë vite të demokracisë dhe përparimit, përcjell reporteri.

“NATO pas hyrjes në Kosovë mundësoi ngritjen e institucioneve. Filluam të shkonim në shkolla. Filluam të punonim”, tha Kurti, duke shtuar se në Kosovë “jeta rifilloi”.

“Sot është e vështirë të shpjegohet. Eh, ky moment që ndoshta është i ngjashëm vetëm me çlirimin në Evropën Kontinentale nga Gjermania naziste. Dhe unë mendoj se, ky është kujtimi më i rëndësishëm që njerëzit kanë dhe ata e vlerësojnë atë dhe duan të ndërtojnë mbi të duke avancuar më tej vendin tonë”, tha Kurti.

NË FOKUS

askk
Ky është numri i banorëve për secilën komunë të Kosovës
riu
Në lulen e rinisë/ I riu 24 vjeç u vra pas debatit për muzikën e lartë
vdess
Vdes aktori i njohur në moshën 46 vjeçare, dyshohet se shkaktar ishte nxehtësia
drita
Vdes aktorja e humorit Drita Duraku
faton
“Më është bërë zullum”- Faton Hajrizi shfaqet me një video, tregon arsyen e arratisjes nga burgu i Smrekonicës
faton
Faton Hajrizi lajmërohet sërish nga arratia, Sveçlës ia shan mbiemrin dhe i vë bast: Kurrë nuk mundesh me më kapë
ylli
Zbulohet vajza misterioze në krah të Ylli Limanit
vd
Vdes e reja nga Prishtina, vuante nga një sëmundje e rëndë