Kuvendi i Kosovës në mungesë kuorumi nuk ka arritur sërish t’i miratojë marrëveshjet ndërkombëtare.

Kryeparlamentari Glauk Konjufca bëri të ditur se 76 deputetë votuan, ndërkaq katër deputetë nuk morën pjesë në votim.

Në rend dite ishin edhe disa marrëveshje tjera ndërkombëtare, por të njëjtat u bartën për në seancën tjetër për shkak të mungesës së kuorumit.

“Nuk ka kushte Kuvendi për t’i trajtuar këto. Të gjitha këto pika të rendit të ditës i kalojmë një seancën tjetër”, tha Konjufca.

Pavarësisht thirrjeve të shumta të bëra nga pushteti marrëveshjet ndërkombëtare në disa seanca me radhë nuk kanë arritur të ratifikohen.