Manchester City është gati ta thyejë rekordin e transferimit për një mbrojtës të krahut në merkaton e verës.

City është duke insistuar në transferimin e Tino Livramentos që nga vera e kaluar, teksa Newcastle nga ana tjetër po tenton ta bindë futbollistin të qëndrojë.

Mediat në ishull raportojnë se skuadra e Pep Guardiolës është e gatshme të ofrojë mbi 100 milionë euro për ta sjellën mbrojtësin e krahut të djathtë në “Etihad”.

“Qytetarët” kanë pasur probleme me këtë pozitë që nga largimi i Kyle Walker, ndërsa e shohin Livramenton si një zgjidhje afatgjatë.

Për reprezentuesin e Anglisë, City do të ketë konkurrencë të fortë, pasi interesim për të kanë shprehur edhe Arsenal dhe Manchester United.

Livramento është pjesë e Newcastle United që nga viti 2023, ku erdhi nga Southampton për shumën e 37 milionë eurove.

23-vjeçari si futbollist është zhvilluar te Chelsea, teksa ka edhe tri paraqitje me kombëtaren e Anglisë.

Këtë edicion, ai ka zhvilluar 19 paraqitje në të gjitha garat.