Mediuimi francez “Le Figaro” të enjten përmes një artikulli të publikuar ka deklaruar se të paktën katër ndeshje në futbollin kosovar janë kurdisur për tu ofruar basteve me seli në France dhe Kosovës, siç ka njoftuar  Jurisdiksioni i Specializuar Ndërrajonal i Nancy (Jirs).

Ky hetim sipas “Le Figaro” kishte nisur prej gati një viti nga “Shërbimi Qendror i Garave dhe Lojërave (SCCJ). Në artikull thuhet se aty janë hetuar mashtrimet e organizuara në grup që lidhen me një nga klubet e Kosovës që bën pjesë në kategorinë e parë.

Në komunikatë nuk saktësohej se për cilin klub bëhej fjalë, por analiza e koeficienteve dhe video-incizimeve të disa ndeshjeve bëri të mundur konfirmimin e manipulimit të rezultatit të disa prej tyre.

Hetimi bëri të mundur kthimin e “anëtarëve të një rrethi të gjerë familjar të vendosur si në Francë ashtu edhe në Kosovë”, të dyshuar se kishin marrë pjesë “në manipulimin e rezultateve të disa ndeshjeve për të garantuar fitime të konsiderueshme gjatë basteve në rezultate. të këtyre ndeshjeve, të njohura paraprakisht”.

Në komunikatë nuk është saktësuar se për cilat ekipe bëhet fjalë, po analiza e video-koeficientëve ka mundësuar konfirmimin e kurdisjeve. Kështu, nga katër takimet e përmendura, Jirs sjell një fitim të vlerësuar prej më shumë se 360,000 euro.

 Nëntë persona janë arrestuar. Në fund, katër burra të moshës 24 deri në 50 vjeç, nga Mulhouse (Haut-Rhin) dhe Dijon, u paditën me akuzat për mashtrim të organizuar në bandë dhe shoqërim kriminal.