Një nga aleatët më të ngushtë të presidentit Vladimir Putin tha të hënën se Rusia do t’i arrijë qëllimet e saj në konfliktin në Ukrainë, duke paralajmëruar se Perëndimi kishte një plan afatgjatë për të shkatërruar Rusinë, shkruan Reuters, transmeton Gazeta10.

Rusia po kryen një operacion të posaçëm ushtarak në Ukrainë dhe po arrin paqen sipas kushteve tona tha për TASS në një intervistë ish-presidenti rus Dmitry Medvedev, i cili tani shërben si zëvendëskryetar i Këshillit të Sigurimit të Rusisë.

Medvedev e lidhi luftën e vitit 2008 në Gjeorgji, zgjerimin e aleancës ushtarake të NATO-s dhe luftën tani në Ukrainë si pjesë e një përpjekjeje të Shteteve të Bashkuara dhe aleatëve të saj për të shkatërruar Rusinë.

Qëllimi është i njëjtë: Të shkatërrohet Rusia, citohet të ketë thënë ai. / Gazeta10