Hekuran Murati – Ministri i Financave, Punës dhe Transfereve sot në një konferencë për medie, ka bërë të ditur se nuk kanë kërkuar që të kenë një listë të grevistëve, por një listë të punëtorëve që paraqiten në punë. 

Murati ka thënë se nuk kanë pasur nevojë të kërkojnë një listë të tillë, pasi Thesari i ka të dhënat se sa anëtarë i ka SBAShK-u, raporton Gazeta10. 

“Ne çka kemi kërkuar është ata që janë duke punuar, dhe që parashihet me të gjitha ligjet në fuqi. Kjo është kërkuar, nuk është kërkuar listë e grevistëve, për shkak se listën e personave që janë anëtarë të SBAShK-ut, e kemi”, ka thënë ai./Gazeta10