Deputeti i Lëvizjes Vetëvendosje, Enver Haliti, ka bërë të ditur se partia e tij, si subjekti më i votuar në zgjedhjet e fundit, është e gatshme të bëjë kompromis për zgjidhjen e ngërçit institucional.

I ftuar në emisionin “Gazeta”, Haliti tha se VV-ja mund të heqë dorë nga posti i kryetarit të Kuvendit, ndërsa kryeministri do të mbetej në duart e saj.

Sipas tij, posti i presidentit mund t’i besohet një figure kredibile , e cila do t’i plotësonte kriteret për të ushtruar këtë funksion.

“… Presidenti të jetë  një figurë kredibile që e plotëson atë pozitë”, tha Haliti.