Nga Kosova janë nisur pakot e para drejt tregut të vendeve të EFTA-s, duke shënuar një hap të ri në eksportin e produkteve kosovare në këtë treg.

Në ceremoninë e nisjes, e cila u zhvillua me rreth dy orë vonesë, kanë qenë të pranishëm zëvendësministri i Ministrisë së Industrisë, Ndërmarrësisë dhe Tregtisë, Jeton Memetaj, si dhe Sali Hoda, udhëheqës i Sektorit të Origjinës në Doganën e Kosovës.

Nisja e pakove drejt tregut të EFTA-s vjen në kuadër të zbatimit të mundësive të reja për eksportuesit kosovarë dhe lehtësimit të qarkullimit të mallrave drejt këtyre vendeve./Gazeta10