Një person është therë me thikë pak minuta më parë përballë postës së qytetit të Mitrovicës, teksa personi i dyshuar është identifikuar nga organet e rendit.

Ngjarja dyshohet të ketë ndodhur pas një mosmarrveshje mes të përfshirëve në ngjarje, ku më pas është përdorur edhe mjeti i ftohtë, thika.

Lajmin për Sinjalin e ka konfirmuar zëdhënësi i Policisë për rajonin e Mitrovicës, Ilmi Prekazi.

“Sipas informatave të pranuara, në afërsi të postes kryesore në Mitrovicë një person ka mbetur i lënduar dyshohet me mjet të mprehtë-thikë, personi është dërguar për tretman mjekësor në emergjencë ndërsa njësitë kompetente janë duke u marrë me rastin”, tha ai.

Mediat lokale kanë publikuar pamje nga vendi i ngjarjes, ku shihet viktima i gjakosur.