Gazeta Bild raporton këtë të premte se Bayern Munich po rritë interesimin gjithnjë e më shumë për Roger Schmidt, veçanërisht pas refuzimit të Ralf Rangnick, i cili preferoi të qëndrojë në Kombëtaren e Austrisë.

Gazeta thekson se trajneri aktual i Benfica-s është një nga opsionet e forta dhe e ardhmja e trajnerit në Portugali mbetet për t’u përcaktuar: nga njëra anë, ka një klauzolë largimi prej 30 milionë në marrëveshje që e lidh me Benfikën deri në vitin 2026; Nga ana tjetër, thuhet, “është e mundur që Benfica të përfundojë para kohe partneritetin me Schmidt”.

Trajneri pati mundësinë të reagonte ndaj interesimit të pretenduar të klubit në një konferencë shtypi të Benfica-s: “Është një nder dhe krenari e madhe për mua të jem trajner i Benfica-s, e dija se çfarë po bëja kur rinovova”.