Presidentja e Kosovës, Vjosa Osmani, ka folur për vizitën e saj në kooperativën “Krusha”, shkruan Gazeta10.

Osmani ka thënë se dje bashkë me shefin e EULEX-it, ambasadorin Wigemark, ka qenë në Krushë ku EULEX ka dhuruar një donacion për koorperativën “Krusha”.

Osmani ka thënë se mbështetja për gratë e Krushës është mbështetje për storie të sukseseve.

Tutje, e para e shtetit ka thënë se Zonja Fahrije dhe gratë e kooperativës së Krushës janë konfirmim i suksesit mbi bazën e konsistencës dhe angazhimit në punë.

Këtu keni statusin e plotë:

‘Zonja Fahrie Hoti dhe kooperativa “Krusha” janë sinonim i ngadhnjimit dhe suksesit. Dje bashkë me shefin e EULEX-it, ambasadorin Wigemark ishim në Krushë me ç’rast EULEX-i dhuroi një donacion për kooperativën Krusha dhe ne u zotuam për të vijuar mbështetjen. Çdo mbështetje për punën e këtyre grave të jashtëzakonshme është po ashtu mbështetje e një storie suksesi, e cila shërben si burim inspirimi për shumë gra e vajza të tjera. Zonja Fahrie dhe gratë e kooperativës “Krusha” janë konfirmimi më i mirë se kur ka vizion të qartë, angazhim dhe punë konsistente, suksesi është gjithnjë i sigurt. Mbështetja për to do të jetë e vazhdueshme, sepse suksesi i grave të Krushës është sukses i Kosovës!”, ka shkruar Osmani në llogarinë e saj në Facebook. / Gazeta10