Një aksident i rëndë trafiku ka ndodhur në hyrje të Prishtinës rreth orës 3:00 të mengjesit të së hënës. Një veturë me targa të Gjermanisë ka rënë nga rrethrrotullimi poshtë.

Në vendin e ngjarjes ka shumë ekipe të policisë, ndihmës së parë dhe të zjarrfikësve.

Sipas një dëshmitari i cili ka thënë se është familjar i të aksidentuarëve, në veturë ishte nipi i tij me nuse.

Policia e Kosovës ka bërë të ditur se tre persona kanë pësuar lëndime trupore.

Këtë e ka bërë të ditur për Gazeta10 zëdhënësja e Policisë së Kosovës për Rajonin e Prishtinës, Flora Ahmeti, e cila ka theksuar së të njëjti janë dërguar për trajtim të nevojshëm mjekësor.

“Sot rreth orës 03:00, në rrethrrotullimin në lagjen Lakrishtë, në Prishtinë, ka ndodhur një aksident trafiku, ku është përfshirë një veturë. Si pasojë e aksidentit tre persona kanë pësuar lëndime trupore dhe të njëjtit janë dërguar për trajtimin e nevojshëm mjekësor”, ka thënë Ahemti.

Më tej ajo ka theksuar se policia ka nisur një hetim për zbardhjen e shkaqeve të këtij vetaksidenti.

Më poshtë  ju mund të shihni pamje të reja nga aksidenti.